Каляндар народнай лялькі

Картатэка гульняў з аўтарскай гульнёй, цацкай
“Каляндар народнай лялькі”

Дыдактычная гульня “Калі гэта бывае?”

Мэта: замацаваць прыкметы пор года, традыцыі і абрады беларусаў.

Матэрыял: гульня “Каляндар народнай лялькі”, народныя лялькі.

Апісанне: Дзеці падбіраюць адпаведныя лялькі і прымацоўваюць іх да характэрных пор года. На кожную пару года падбіраецца лялька, якая звязана менавіта з гэтым месяцам, парой года.

Дыдактычная гульня “Пара года”

Мэта: замацаваць уяўленні аб прыродных  з’явах для ўсіх сезонаў года.

Матэрыял: гульня “Каляндар народнай лялькі”,народныя лялькі.

Апісанне: Педагог прапаноўвае разглядзець лялькі. Знайсці і падабраць ляльку да адпаведнай пары года. (Напрыклад, лялька “Вяснянка” прымацоўваецца да сакавіка, які выдзелены зялёным колерам, або лялька “Калядная каза” адпавядае студзеню і яе месца на сінім полі).

Гульня “Знайдзі месца для лялькі”

Мэта: замацаваць уяўленні пра беларускія святы і абрады, уяўленні аб прыродных  з’явах для ўсіх сезонаў года.

Матэрыял: гульня “Каляндар народнай лялькі”,народныя лялькі.

Апісанне: Педагог прапаноўвае разглядзець “Каляндар народнай лялькі”, лялек, якія адапавядаюць кожнаму месяцу, потым  лялькі здымаюцца, перамешваюцца, раздаюцца дзецям. Кожнае дзіця павінна знайсці месца для лялькі.

Развіваючая гульня “Якая лялька схавалася?”

Мэта: замацаваць уяўленні аб народных святах і абрадах, развіваць увагу, мысленне.

Матэрыял:гульня “Каляндар народнай лялькі”,народныя лялькі, хусцінка.

Апісанне:Педагог разглядае з дзецьмі “Каляндар народнай лялькі”, прапануе ім заплюшчыць вочы. У гэты час хусцінкай закрывае адну з лялек і дзеці павінны здагадацца, якая лялька схавалася.

Развіваючая гульня “Што змянілася?”

Мэта: замацаваць уяўленні аб народных святах і абрадах, развіваць увагу, мысленне.

Матэрыял:гульня “Каляндар народнай лялькі”,народныя лялькі.

Апісанне:Педагог разглядае з дзецьмі “Каляндар народнай лялькі”, прапануе ім заплюшчыць вочы. У гэты час дарослы мяняе лялек месцамі і дзеці павінны здагадацца, што змянілася.

Развіваючая гульня “Пазнай ляльку па апісанню”

Мэта: замацаваць уяўленні аб народных святах і абрадах, развіваць увагу, мысленне, актыўнае маўленне дзяцей, уменне складаць апісальны расказ пра цацку.

Матэрыял:гульня “Каляндар народнай лялькі”,народныя лялькі.

Апісанне:Педагог апісвае адну з лялек і прапануе дзецям здагадацца аб якой ляльцы ідзе гаворка, а потым дзеці апісваюць народную ляльку, а астатнія дзеці пазнаюць ляльку па апісанню.

  

Развіваючая гульня “Чаму так назвалі ляльку?”

Мэта: замацаваць уяўленні аб народных святах і абрадах, развіваць увагу, мысленне замацаваць уяўленні аб прыродных  з’явах для ўсіх сезонаў года, развіваць уменне прыдумваць падзеі, якія адпавядаюць адпаведнай ляльцы.

Матэрыял:гульня “Каляндар народнай лялькі”,народныя лялькі.

Апісанне:Педагог паказвае дзецям ляльку, гаворыць яе назву, прапануе  здагадацца і паразважаць, чаму так назвалі ляльку.

Развіваючая гульня “Складзі расказ”

Мэта: замацаваць уяўленні аб народных святах і абрадах, развіваць увагу, мысленне, звязнае маўленне, уменне самастойна складаць расказ пра ляльку.

Матэрыял:гульня “Каляндар народнай лялькі”,народныя лялькі.

Апісанне:Педагог прапануе дзецям скласці расказ аб пары года і адпаведнай ляльцы гэтага сезона, традыцыях і абрадах беларусаў.

Музычна-дыдактычная гульня “Поры года”

Мэта: замацаваць уяўленні аб народных святах, развіваць здольнасць да ўспрымання музычных вобразаў.

Матэрыял:гульня “Каляндар народнай лялькі”,народныя лялькі, музычны твор цыкла “Поры года” П.Чайкоўскага.

Апісанне:Дзецям прапаноўваецца паслухаць урывак з твора і вызначыць якую пару года яны праслухалі і паказаць на календары, успомніць народныя святы гэтага сезона. 

 Дыдактычная гульня “Падарункі для лялек”

Мэта: замацаваць уяўленні аб прыродных  з’явах для ўсіх сезонаў года.

Матэрыял: гульня “Каляндар народнай лялькі”,народныя лялькі.

Апісанне: Педагог прапаноўвае дзецям падрыхтаваць падарункі для лялек. (Напрыклад, для лялькі “Дамашняя масленка” – бліны, для лялькі “Птушка-радасць” – птушкі, для лялькі “Вялікдзень” – чырвоныя яйкі і г.д.).